Etna vulqoni yana otildi (video)

Sitsiliyadagi Etna tog‘idan balandligi 6,5 km (2,3 milya) ga yetgan ulkan vulqon kul, gaz va tosh ustuni otildi. Bu haqda “Euronews” xabar berdi.

Etna tog‘i Yevropadagi eng yirik faol vulqondir, biroq Italiya rasmiylari hozirda aholi uchun hech qanday xavf yo‘qligini aytmoqda.

Italiya Milliy geofizika va vuloqonshunoslik instituti (INGV) ma’lumotlariga ko‘ra, otilish tabiati kraterning yon tomonlaridan birida tosh qulashi sodir bo‘lganini ko‘rsatadi.

“Kuzatuv kameralari janubi-sharqiy kraterning shimoliy yonbag‘ridagi materialning qulashi oqibatida yuzaga kelgan piroklastik oqimni qayd etdi”, deyiladi xabarda.

Piroklastik oqim – yuqori haroratli vulqon gazlari, kul va tosh qoldiqlarining portlash harakati natijasida yuzaga chiqadigan aralashma.

Bunday oqimlar atrofdagi hududlar uchun o‘ta xavfli bo‘lishi mumkin, ammo hozircha tahdid belgilari yo‘q.

Sitsiliya viloyati rahbari Renato Shifanining so‘zlariga ko‘ra, uni mahalliy hokimiyat doimiy aloqada bo‘lgan mutaxassislar bunga ishontirgan. INGV’ning so‘nggi bayonotida aytilishicha, vulqon oqimi hali Arslon vodiysidan o‘tgani yo‘q, bu cho‘qqiga yaqinlashishdagi piyoda marshrutlari kesishgan nuqta.

Bu zarurat tug‘ilganda xavfsizlik choralarini ko‘rish uchun rasmiylarga yetarli vaqt beradi.

Viloyat fuqarolik mudofaasi bo‘limi boshlig‘i Salvo Kochina sayyohlarga “tabiat hodisasi rivojlanishi ehtimoli borligi sababli” hududga bormaslikni tavsiya qildi. Vulqon buluti tufayli havo transporti uchun qizil ogohlantirish berildi, biroq yaqin atrofdagi Kataniya aeroporti hamon normal rejimda ishlamoqda.

Seysmologlarning ta’kidlashicha, Etnaning hozirgi faolligi ma’lum vaqtdan beri kuzatilmoqda.

Joriy yilning 13 may kuni Kataniya yaqinidagi janubi-sharqiy krater hududida lava oqimi qayd etildi, u ikki oqimga bo‘lindi – biri tog‘ning janubiy yonbag‘riga, ikkinchisi sharqqa otildi.

Emissiya kuchli shovqin bilan birga bo‘ldi, uni Kataniya va vulqon atrofida joylashgan boshqa aholi punktlari aholisi eshitgan.

Mutaxassislarning fikricha, bu Etna faoliyatining joriy yildagi 15-qismi, may oyidagi ikkinchisi bo‘ldi.

Eslatib o‘tamiz, avvalroq AQSHning Gavayi orolidagi Kilauea vulqoni otilishni boshlagandi. Kilauea vulqoni oxirgi marta 2023 yilning iyun oyida otilgan. Vulqon og‘ziga yaqin joyda o‘rnatilgan videokameralarda balandligi 80 metrdan oshadigan lava geyzerlari hosil bo‘lgani suratga tushgan. Bundan oldingi otilishlar bir haftadan bir yilgacha davom etgan.