Эртага Тошкентнинг айрим ҳудудларида “свет” ўчирилиши айтилди

Эртага, 16 август куни Тошкент шаҳрининг икки туманида жойлашган айрим ҳудудлар электр энергиясидан узиб қўйилади. Бу ҳақда “Ҳудудий электр тармоқлари” акциядорлик жамияти Тошкент шаҳар филиали матбуот хизмати хабар берди.

Унга кўра, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авария ҳолатларининг олдини олиш, куз-қиш мавсумига пухта тайёргарлик кўриш мақсадида қуйидаги манзилларда электр таъминоти вақтинчалик ўчирилади:

•  Бектемир туманида: “Устозлар” МФЙнинг айрим кўчаларида соат 09:00 дан 17:00 гача;

•  Олмазор туманида: “Янги Тошкент” МФЙнинг айрим кўчаларида соат 09:00 дан 17:00 гача;

“Ўз навбатида юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдириб ўтамиз”, дейилади хабарда.

Шунингдек, “Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўраган.