Эртага Тошкентдаги икки кўча қисман ёпилади
Жамият
−
20 Март 2022 6993 1 дақиқа
Эртага, 21 март куни Наврўз байрами ўтказилиши муносабати билан Тошкентнинг Бешёғоч ва Олмазор кўчаси қисман ёпилади. Бу ҳақда пойтахт ИИББ хабар берган.
Таъкидланишича, соат 06:00 дан 15:00 гача бўлган вақт оралиғида:
• Бешёғоч кўчаси Фурқат кўчасидан Афросиёб кўчасигача бўлган оралиқда;
• Олмазор кўчаси Ислом Каримов кўчасидан Бешёғоч кўчасигача бўлган оралиқда транспорт воситаларининг ҳаракати учун вақтинча ёпилади.
Ушбу кўрсатилган вақт оралиғида фуқаролар айланма йўллардан фойдаланиши мумкин.
