Эрондан Исроилга “сюрприз”: юздан ортиқ қанотли ракеталар тайёрланди
Олам
−
13 Апрель 2024 18624 1 дақиқа
Эрон Исроилга эҳтимолий ҳужум учун юздан ортиқ қанотли ракеталар ишлаб чиқарди. Бу ҳақда "ABC News" телеканали хабар берди.
“АҚШ расмийлари Эрон Исроилга зарба беришга тайёрланаётгани аломатларини кўришда давом этмоқда. АҚШнинг уч расмийсига кўра, Эрон эҳтимолий зарба бериш учун кўп сонли ракеталарини тайёрлаган. Айни пайтда Теҳрон Исроилга "совға" учун юздан ортиқ қанотли ракеталар ишлаб чиқарган”, дейилади телеканал хабарида.
Расмийлардан бири эса Эрон "қасос олиш учун аллақачон кўп сонли ҳарбий дронларини шайлагани"ни қўшимча қилган.
Эслатиб ўтамиз, олдинроқ Байден Эронни Исроилга ҳужум қилмасликка чақирганди. Теҳрон эса Вашингтонни Исроил ва Эрон ўртасидаги можарога “бурун суқиши" оқибатларидан огоҳлантирди.
Live
Барчаси
