Эрон Афғонистон билан чегарада 80 км девор қурди

Эрон Ислом Республикаси армияси Шимоли-шарқий оператив штаб қўмондони Сирос Омануллоҳий мамлакатни муҳожирларнинг кириб келишидан ҳимоя қилиш учун ҳозиргача Афғонистон билан чегарада 80 километрлик тўсиш ишлари якунланганини айтди. Бу ҳақда “AVApress” хабар берди.

Нашрга кўра, бу штаб ҳозиргача блокланган. “Fars” хабарига кўра, Эрон армиясининг Шимоли-шарқий оператив штаб қўмондони, шунингдек, армиянинг шимоли-шарқий минтақавий штаб-квартираси томонидан мамлакат шарқий чегараларини қўриқлаш бурчига ишора қилган.

Чегара блокадаси учун кўрилган чора-тадбирларга тўхталар экан, Эрон армияси қуруқлик қўшинларининг Жануби-шарқий штаб қўмондони ҳам девор, чегара датчиклари, қўриқлаш миноралари, жойлаштириш учун зарур бўлган барча жиҳозлар шу воситалар қаторида эканини тушунтирган.

Маълумот учун, сентябрь ойида Эрон Ички ишлар вазири Искандар Момений Эрон чегарани ёпиш учун деворга қўшимча равишда тиканли сим ва сув билан тўлдирилган ариқлардан фойдаланишини маълум қилган. Шунингдек, 13 сентябрь куни парламент Миллий хавфсизлик қўмитаси матбуот котиби Иброҳим Ризоий полиция яқин келажакда икки миллиондан ортиқ ноқонуний фуқароларни чиқариб юборишни режалаштирганини айтган.

Маълумотларга кўра, жорий йил март ойидан бери Эрон рўйхатга олинган 2,7 миллиондан ортиқ афғон қочқинини қабул қилган. Бу рақам мамлакатдаги қонуний муҳожирларнинг 97 фоизини ташкил қилади.

Эслатиб ўтамиз, аввалроқ Эрон ҳарбийлари мамлакатни муҳожирларнинг кириб келишидан ҳимоя қилиш учун Афғонистон билан чегарада 10 километрдан ортиқ масофада девор қурганди. Эрон ва Афғонистон ўртасидаги умумий чегара 900 километрдан ортиқ бўлиб, қочқинлар гуруҳлари доимий равишда ундан ўтиб кетади. Афғонистонлик муҳожирлар оқими эса 2021 йил августида “Толибон” Афғонистон ҳукумати тепасига келгандан сўнг ортган.