Erkak va ayol kuppa-kunduzi “pod’ezd”da narkotik iste’mol qildi (video)
3-sahifa
−
01 may 9778 1 daqiqa
Joriy yilning 29 aprel kuni Toshkent shahrining Olmazor tumanidagi ko‘p qavatli uylarning biridagi yo‘lakda narkotik iste’mol qilgan erkak va ayol ushlandi. Mazkur holat yuzasidan poytaxt Ichki ishlar bosh boshqarmasi munosabat bildirdi.
Qayd etilishicha, taxminan soat 14:35 larda 1987 yilda tug‘ilgan A.I. o‘zining tanishi 2001 yilda tug‘ilgan R.I. bilan birga Olmazor tumani Sebzor dahasidagi ko‘p qavatli uylardan biridagi yo‘lakka kirgan. Ular yo‘lakda hech kim yo‘qligidan foydalanib giyohvandlik vositasini iste’mol qilgan va keyin chiqib ketgan.
Bildirilishicha, mazkur holat yuzasidan Olmazor tumani IIO FMB tomonidan tergovga qadar tekshiruv o‘tkazilmoqda. Tekshiruv yakuniga ko‘ra, qonuniy qaror qabul qilinishi ta’minlanadi.
Eslatib o‘tamiz, avvalroq Toshkentdagi ko‘p qavatli uy yo‘lagida pichoq bilan yurgan erkak qamalgan edi.
