Эрдўған Остонада Ғазодаги вазиятни ҳал қилиш бўйича таклифини ўртага ташламоқчи

2-3 ноябрь кунлари Остона шаҳрида бўлиб ўтадиган Туркий Давлатлар Ташкилоти саммити иштирокчилари Фаластин-Исроил келишувининг йўл харитасини муҳокама қилади. Бу ҳақда Туркиянинг “TRT Haber” телеканали хабар берди. 

Қайд этилишича, йиғилишда Туркия Президент Ражаб Тойиб Эрдўған Ғазодаги инқирозни ҳал қилиш истиқболлари бўйича мамлакат позициясини баён қилади. 

Жорий йилнинг 30 октябрь куни кечқурун ҳукумат йиғилишидан сўнг нутқ сўзлаган Туркия раҳбари минтақада янги хавфсизлик механизмини яратиш тарафдори эканини айтди ва Анқара бундай қадам ташланса, жавобгарликни ўз зиммасига олишга тайёрлигини маълум қилди. 

Туркия ҳукумати можаро авж олишига йўл қўймаслик учун Ғазода тезроқ ўт очишни тўхтатиш ва минтақага тўсиқсиз етказиб бериш йўлаги очиш зарур, деб ҳисоблайди. Унинг Анқарада қарор қабул қилишига асос Фаластин давлатининг 1967 йилдаги пойтахти Шарқий Қуддус билан чегараларидаги мустақиллигини тан олишидир.

Эслатиб ўтамиз, кеча, 31 октябрь куни Ўзбекистон Республикаси Президенти Шавкат Мирзиёев мамлакат халқига мурожаат қилиб, Ўзбекистон Фаластин халқи билан бирдам экани, унинг Бирлашган Миллатлар Ташкилоти Бош Ассамблеяси ва Хавфсизлик Кенгашининг илгари қабул қилинган резолюцияларига мувофиқ мустақил давлат сифатида барпо бўлиш ҳуқуқини қўллаб-қувватлашини билдирди.