Соғлиқни сақлаш тизими бошқарув ходимларига “стаж”ига қараб устама тўланади

Эндиликда соғлиқни сақлаш ходимларига кўп йиллик меҳнати учун устама тўланади. Бу ҳақда Ўзбекистон Республикаси Президентининг “Соғлиқни сақлаш соҳасида давлат бошқаруви тизимини янада такомиллаштириш чора-тадбирлари тўғрисида”ги қарорида белгиланди.

Қарорга мувофиқ:

Қорақалпоғистон Республикаси Соғлиқни сақлаш вазири ва вилоятлар соғлиқни сақлаш бошқармалари бошлиқлари Соғлиқни сақлаш вазири томонидан тегишлича Қорақалпоғистон Республикаси Жўқорғи Кенгеси Раиси ва вилоят ҳокимлари билан келишилган ҳолда;

ҳудудий тиббиёт муассасалари раҳбарлари эса соғлиқни сақлаш вазири ҳамда Қорақалпоғистон Республикаси Жўқорғи Кенгеси Раиси ва вилоят ҳокимлари билан келишилган ҳолда вилоят соғлиқни сақлаш бошқармаси бошлиқлари томонидан лавозимга тайинланади.

2020 йил 1 ноябрдан Соғлиқни сақлаш вазирлиги ва ҳудудий бошқарув органлари ходимларига қуйидаги миқдорда кўп йиллик ишлаганлик учун ҳар ойлик устама тўланади (рағбатлантириш коэффициентини инобатга олган ҳолда лавозим маошига нисбатан коэффициентларда):

•    1 йилдан 3 йилгача – 0,3;
•    3 йилдан 5 йилгача – 0,6;
•    5 йилдан 10 йилгача – 0,8;
•    10 йилдан 15 йилгача – 1;
•    15 йилдан 20 йилгача – 1,2;
•    20 йилдан юқори – 1,5.