Эмилиано Мартинес “Челси”га ўтди – Романо

Англиянинг “Астон Вилла” клуби ва Аргентина миллий терма жамоаси дарвозабони Эмилиано Мартинес “Челси”га ўтди. Бу ҳақда журналист Фабрицио Романо ижтимоий тармоқларда маълум қилди.

Романо маълумотига кўра, келишув қиймати 7,5 миллион фунт стерлингни ташкил этади. Кеча, 27 август куни Эмилиано Мартинес “Стэмфорд Бриж”га ўтишга розилик берган. 

Аргентиналик дарвозабон “Челси” билан 2028 йил июнига қадар шартнома имзолайди. Битимда уни 2029 йил июнига қадар узайтириш имконияти ҳам кўзда тутилган.

“Челси”нинг ҳозирги дарвозабони Роберт Санчес жорий йилнинг 24 август куни Премьер-лиганинг биринчи турида “Фулхэм”га қарши ўйиндаги ҳаракатлари учун танқид қилинганди. Испаниялик дарвозабон рақибнинг голларига сабаб бўлган иккита хатога йўл қўйган.

Шунингдек, “Ювентус” ҳам Мартинесга қизиқиш билдирган эди, аммо томонлар келишувга эриша олмади. Якунда туринликлар “Тоттенхэм”дан Гульельмо Викариони танлади.

Маълумот учун, Эмилиано Мартинес 2025-2026 йилги Англия Премьер-лигаси мавсумида 32 та учрашувда майдонга тушган. Шунингдек, у Европа лигасида 11 та ўйинда иштирок этган.