Дунёнинг энг камбағал президенти умри оз қолганини айтди

Уругвайнинг собиқ президенти Хосе Мухика ўлими яқинлашгани ва даволанишни хоҳламаслигини айтди. Бу ҳақда у Уругвайнинг “Busqueda” ҳафталик нашрига берган интервьюсида маълум қилди.

“Қизилўнгачдаги саратон менинг жигаримни эгаллаб олмоқда. Мен буни ҳеч нарса билан тўхтатмайман. Чунки мен кекса одамман ва иккита сурункали касаллигим бор. Менга биокимёвий муолажа ҳам, жарроҳлик ҳам мумкин эмас, чунки танам бунга бардош бера олмайди”, деган у.

Шунингдек, Мухика бошқа интервью бермаслигини маълум қилган ва энди даволаниш учун текширувдан ўтмаслигини айтган.

“Мени сўраганим шуки, мени ёлғиз қолдиринг. Мени ақлдан озган интервьюлар ёки бошқа нарсалар билан безовта қилманг. Менинг даврим бироз олдин тугади. Ростини айтсам, мен ўлаяпман, жангчи эса дам олишга ҳақли”, деган Уругвайнинг 2010-2015 йиллардаги собиқ президенти.

Мухика фурсатдан фойдаланиб, ўртоқлари ва юртдошлари билан хайрлашган.

Интервьюда Мухика, шунингдек, Уругвайнинг сайланган президенти Яманду Орсининг бўлажак ҳукуматдаги роли ҳақида ёлғонлар ўйлаб топаётганлар ҳақида ҳеч нарса билмаслигини айтган.

“Мен бу борада ҳеч қандай тасаввурга эга эмасман, ҳеч нарсага аралашишни ҳам режалаштирмайман ва ҳеч нарсани билишни хоҳламайман”, деган у.

Интервью эълон қилинганидан кўп ўтмай, Колумбия Президенти Густаво Петро Мухика билан хайрлашув хабарини ёзган.