Дунё давлатларининг бренд рейтинги эълон қилинди. Ўзбекистон нечанчи ўринда?

Ўзбекистон бренди дунё давлатлари орасида 55-ўринда қайд этилди. Бу ҳақда “Brand Finance”нинг йиллик тадқиқотида сўз боради.

Қайд этилишича, Ўзбекистон ўтган йилга нисбатан ўрнини яхшилаб, 57-ўриндан 55-ўринга кўтарилган. АҚШ, Хитой ва Германия дунёдаги энг қиммат бренд давлатлар бўлиб қолмоқда. Брендни баҳолашда ялпи ички маҳсулот ҳажми, инвестициялар ва туризм жозибадорлиги, сиёсат ва савдо қоидалари, ижтимоий жиҳатлар ва бошқа омиллар ҳисобга олинган.

“Brand Finance” АҚШ брендининг қийматини қарийб 37,3 триллион долларга баҳолади, бу ўтган йилги даражадан 15,7 фоизга юқори. Хитой бренди қиймати 2,9 фоизга ошиб, 20,5 триллион долларни ташкил этди. Учинчи ўринни катта фарқ билан Германия (+0,3% дан 5 трлн долларгача) эгаллаган.

Буюк Британия тўртинчи ўринга кўтарилган (+10,2 фоиздан 4,5 триллион долларгача), Япония бешинчи ўриндан (-4,5 фоиздан 4,4 триллион долларга) жой олган. Кейинги ўринларда Франция (+10,4 фоиздан 3,9 триллион долларгача), Ҳиндистон (-5,9 фоиздан 2,8 триллион долларгача), Канада (+2,2 фоиздан 2,7 триллион долларгача) ва Италия (+3,3 фоиздан 2,4 триллион долларгача) бормоқда.

Россия ўтган йилги 25-ўриндан 23-ўринга, Қозоғистон 45-ўриндан 43-ўринга, Озарбайжон 84-ўриндан 82-ўринга, Қирғизистон 130-ўриндан 127-ўринга кўтарилган.

Туркманистон бир йил аввалги 76-ўриндан 80-ўринга, Беларусь 79-ўриндан 88-ўринга, Арманистон 102-ўриндан 103-ўринга тушиб кетган. Грузия 97-ўринда, Тожикистон 136-ўринда қолган.

Эслатиб ўтамиз, аввалроқ Ўзбекистон дунёнинг энг бахтли давлатлари рейтингида 53-ўринни эгаллаганди.