Дрон ҳужуми сабаб Россияга авиарейслар кечиктирилди

Россиянинг бир қатор аэропортлари дронлар ҳужуми ортидан ёпилгани сабаб қатор авиарейслар кечиктирилди. Бу ҳақда Uzbekistan Airways хабар берди.

Uzbekistan Airways 11 декабрда қайси рейслари кечиктирилишини эълон қилди:

• Москва (Внуково) Халқаро аэропортида киритилган вақтинчалик чекловлар туфайли, Қарши—Москва (Внуково) йўналишидаги HY9623-рейси Нижний Новгород шаҳри захира аэропортига йўналтирилган;
• HY606 Москва (Внуково)–Самарқанд ва HY606 Москва (Внуково)–Фарғона рейслари ҳам кечиктирилди;
• Махачқалъа шаҳри Халқаро аэропортида киритилган вақтинчалик чекловлар сабабли, Тошкент— Махачқалъа—Тошкент йўналишидаги HY9731/9732 рейслари кечиктирилди;
• Грозний шаҳри Халқаро аэропортида киритилган вақтинчалик чекловлар сабабли, Тошкент—Грозний—Тошкент йўналишидаги HY9701/9702 рейслари кечиктирилди;

Москва (Домодедово) Халқаро аэропортида киритилган вақтинчалик чекловлар туфайли, Тошкент—Москва (Домодедово)—Тошкент йўналишидаги HY603/604 рейслари кечиктирилди ва ўзгартирилган жадвал асосида бажарилади:

• HY603 Тошкентдан учиб кетиш: 10:00 да, Домодедовога етиб келиш: 12:20 да;
• HY604 Домодедоводан учиб кетиш: 14:00 да, Тошкентга етиб келиш: 19:50 да.

Самолётларнинг кечикиб етиб келиши сабабли авиакомпаниянинг 11 декабрдаги айрим рейслари ўзгартирилган жадвал асосида амалга оширилади:

• Самарқанд–Санкт-Петербург–Самарқанд HY639/640 рейслари;
• Самарқанддан учиш — 16:00, Санкт-Петербургга етиб бориш — 19:10;Санкт-Петербургдан учиш — 20:20, Самарқандга етиб бориш — 03:10 (12 декабрь).

Фарғона–Новосибирск–Фарғона HY9669/9670 рейслари:

• Фарғонадан учиш — 16:00, Новосибирскка етиб бориш — 16:45;
• Новосибирскдан учиш — 18:00, Фарғонага етиб бориш — 23:00.

Навоий–Москва (Внуково)–Нукус HY9617/9626 рейслари:

• Навоийдан учиш — 17:00, Москва (Внуково)га етиб бориш — 19:10;
• Москва (Внуково)дан учиш — 20:30, Нукусга етиб бориш — 02:00 (12-декабрь).

Эслатиб ўтамиз, аввалроқ Тошкентда туман ва ҳаво сифатининг ёмонлашиш сабаби тушунтирилганди.