“Доктор Хаус” сериали актёри вафот этди
Олам
−
13 Декабрь 2023 16367
Американинг машҳур “Доктор Хаус” сериали актёри Андре Брауэр вафот этди. Бу ҳақда "Variety" нашри хабар берди.
Билдирилишича, сериалда психиатр Даррил Нолан ролини ижро этган актёр 62 ёшда эди. Ўлим сабаби қисқа муддатли касаллик эканлиги айтилмоқда.
Маълумот учун, Андре Брауэр 1962 йилда Чикагода туғилган. Актёр икки карра "Emmi" мукофоти совриндори. У "Қотиллик: Кўчадаги ҳаёт" (1993-1999) сериалидаги детектив Френк Пемблтон ва "Ўғри" сериалидаги уста жиноятчи Ник Атуотер роли учун мукофотларга сазовор бўлган (2006). Шунингдек, у машҳур "Бруклин 9-9" лойиҳасида (2013-2021) ҳам иштирок этган.
Эслатиб ўтамиз, аввалроқ машҳур “Гарри Поттер” фильмида “Хогвартс” сеҳргарлар мактаби директори Альбус Дамблдор ролини ижро этган британиялик актёр Майкл Гэмбон 82 ёшида вафот этганди.
Live
Барчаси