ДХХ Андижонда ноқонуний ер сотаётган Санитария хизмати бошлиғини қўлга олди

Жамият

image

Андижон вилоятида Санитария эпидемиологик осойишталик ва жамоат саломатлиги хизмати бошлиғи ер сотиш билан боғлиқ жиноят устида қўлга олинди.

Андижон вилояти туманларидан бирининг Санитария эпидемиологик осойишталик ва жамоат саломатлиги хизмати бошлиғи маҳаллий фермер хўжалигига қарашли мевали боғдан иборат 1 гектар ер майдонидан ижара шартномаси асосида фойдаланиб келган.

У мазкур ер майдонини тасарруф этиш ва учинчи шахсга ўтказиш ҳуқуқига эга бўлмасада, 45 минг АҚШ долларига сотиб, ноқонуний даромад орттиришни режалаштирган.

Давлат хавфсизлик хизмати Андижон вилояти бошқармаси ходимларининг Бош прокуратура ҳузуридаги Департаментнинг ҳудудий бошқармаси билан ҳамкорликда ўтказган тезкор тадбири давомида мазкур мансабдор шахс харидордан сўралган пулни олган вақтида ашёвий далиллар билан ушланди.


Мақола муаллифи

Теглар

ДХХ ер

Баҳолаганлар

144

Рейтинг

3

Мақолага баҳо беринг

Дўстларингиз билан улашинг