Ди Мария фаолиятини қаерда давом эттиради?
Спорт
−
01 Декабрь 2023
3189Португалиянинг “Бенфика” клуби ярим ҳимоячиси Анхель Ди Мария фаолиятини ҳозирги клубида давом эттирмайди. Бу ҳақда “Record” хабар берди.
Манбага кўра, тажрибали футболчи Аргентина чемпионатига қайтмоқчи. 2024 йилнинг июль ойида 35 ёшли футболчи ўз ватани “Росарио Сентраль” клубига қайтади. У собиқ жамоасига эркин агент сифатида бориб қўшилади.
Аргентиналик футболчи 2023 йилнинг ёзидан буён Португалия гранди сафида тўп сурмоқда. Фаолияти давомида Ди Мария “Реал”, ПСЖ ва “Манчестер Юнайтед”да тўп тепган.
Аргентиналик футболчи "Бенфика" билан биргаликда Португалия чемпиони ва Лига кубоги соҳибига айланди. "Реал Мадрид" таркибида у Испания чемпионатида, Европа Чемпионлар лигаси, Испания кубоги ва Суперкубогида ғолиб чиқди. ПСЖ таркибида эса беш марта Франция чемпионига айланди.
2022 йилда Ди Мария Аргентина терма жамоаси таркибида Жаҳон чемпионатида ғолиб чиқди. Яқинда у терма жамоадаги фаолиятини якунлаганини маълум қилди.
LiveБарчаси