Деновдаги мактаб ҳовлисидан 3-синф ўқувчисининг жасади топилди

Жамият

image

Сурхондарёнинг Денов туманидаги 15-мактаб ҳовлисидан 3-синф ўқувчиси З.Қ. ўлик ҳолда топилди. Ҳолат бўйича жиноят иши қўзғатилган. Бу ҳақда Сурхондарё вилояти прокуратураси хабар бермоқда. 

Қайд этилишича, Денов тумани “Буюк ипак йўли” маҳалласида яшовчи М.Қ. (аёл) кеча, 27 сентябрь куни соат 17:25 ларда ўзига олдиндан таниш бўлган, 2013 йилда туғилган, вояга етмаган З.Қ.ни Сариосиё туманига олиб бориб, кейин уйига қайтиб келган вақтида, вояга етмаган З.Қ.нинг соғлиги ёмонлашганини кўрган. Аёл боланинг ҳаёти хавф остида қолгани ва ўзини-ўзи ҳимоя қилиш имкониятидан маҳрум бўлганини билан туриб, унга ёрдам кўрсатмасдан, шу маҳаллада жойлашган Денов тумани Халқ таълими бўлимига қарашли 15-мактабнинг ҳовлисига ташлаб кетган. Оқибатда вояга етмаган З.Қ. мактаб ҳовлисида вафот этган. 

Мазкур ҳолат юзасидан бугун, 28 сентябрь куни Денов тумани прокуратураси томонидан М.Қ.га нисбатан Ўзбекистон Республикаси Жиноят кодексининг 117-моддаси 2-қисми билан жиноят иши қўзғатилган.

Ҳозирда мазкур жиноят иши бўйича дастлабки тергов ҳаракатлари туман ИИБ тергов бўлими томонидан олиб борилмоқда.

Жиноят ишининг тергови вилоят прокуратураси томонидан алоҳида назоратга олингани айтилмоқда.


Мақола муаллифи

Теглар

Баҳолаганлар

1217

Рейтинг

2.9

Мақолага баҳо беринг

Дўстларингиз билан улашинг