Дам олиш кунлари қандай об-ҳаво кутиляпти?

Бу қизиқ 4070
image

Гидрометеорология хизмати маркази дам олиш кунлари Ўзбекистон бўйлаб кузатиладиган об-ҳаво ҳақида маълумот берди.

Бугун, 13 март  куни республиканинг шимоли-ғарбий туманлари устига тропосферадаги юқори босимли ўркач тарқалади ва жуда илиқ, кам булутли ва қуруқ об-ҳавони юзага келтиради.

Бугун республиканинг катта қисмида ҳаво ҳарорати 18-20 даража илиқни ташкил қилади, чўл зонасида ҳаво 21-23 даража илийди, бу ўртача кўп йиллик ҳарорат кўрсаткичларидан 3-5 даражага юқоридир.

Дам олиш кунларида ҳарорат яна кўтарилади ва якшанбага келиб кечаси 9-12 даража илиқ, кундузи 22-25 даража илиқ, мамлакат шимоли-ғарбида эса 27-28 даражагача етади. Бу ҳарорат иқлимий меъёрдан 5-8 даражага юқоридир. Бундай ҳаво март ўртасига қараганда кўпроқ апрель ойи охири учун хос.

Qalampir.uz Tahririyati
Мақолага баҳо беринг
Баҳолаганлар: 126
Рейтинг: 2.9
Теглар
t
×