Chery брeнднинг янги глобал стратегиясини тақдим этди

Технологиялар шиддат билан ўзгариб бораётган ҳозирги даврда инновациялар эндиликда алоҳида маҳсулотлар билан чекланиб қолмай, мураккаб экотизимларнинг ажралмас қисмига айланмоқда. Бу экотизимларда технологиялар фойдаланувчилар, турли ҳаётий сценарийлар ва жамият билан узвий боғланади. Айнан шу контекстда, 2025 йил 19 октябрь куни Хитойнинг Уху шаҳрида “AiMOGA 2025 Global Business Conference” бўлиб ўтди, бу тадбир Chery 2025 Халқаро фойдаланувчилар саммити доирасидаги энг муҳим воқеалардан бири бўлди.

Chery Group таркибида инкубация қилинган AiMOGA Robotics компанияси ўзининг янги глобал бренд стратегиясини тақдим этиб, “Automotive + Robot”, яъни автомобиль технологиялари ва робототехника уйғунлигининг янги босқичини бошлаб берди. Бу нафақат интеллектуал инновациялар намойиши, балки Chery’нинг мобил келажак ҳақидаги узоқни кўра оладиган стратегик қарашларини ҳам ифода этди.

Автомобиль ишлаб чиқаришдан — янги ўсиш манбаларига

Замонавий саноат тармоқлари барқарор ривожланиш ва синергия йўлини изламоқда. Chery эса бу чақириққа жавобан, ҳамкорликка асосланган инновацион экотизим яратиш орқали жавоб бермоқда. AiMOGA Robotics компаниясининг янги стратегияси тақдимоти шу йўналишда муҳим қадам бўлди.

AiMOGA Robotics бош директори Чжан Гуйбин компаниянинг ривожланиш режасини тақдим этди. Ушбу режа ақлли автомобиллар ва робототехника технологияларининг чуқур интеграциясига асосланади. Яқин йилларда AiMOGA таълим, маркетинг, саноат ва маиший хизматлар каби турли соҳалар учун мўлжалланган гуманоид ва тўртоёқли роботлар линиясини бозорга чиқаришни режалаштирган.

2030 йилга бориб компания 90 мингдан ортиқ тўртоёқли ва 40 минг гуманоид робот ишлаб чиқаришни мақсад қилган бўлиб, шу орқали робототехника соҳасида дунё етакчилари қаторидан янада мустаҳкам ўрин эгаллашни кўзламоқда. Бу амбицияли мақсадлар AiMOGA’нинг ўз кучига бўлган ишончини ва Chery’нинг робототехникани глобал ўсишнинг янги ҳаракатлантирувчи кучига айлантиришдаги қатъий иродасини акс эттиради.

Технологик синергия: муҳандисликдан сунъий интеллектгача

Тадбирнинг техник қисми Chery Group’нинг муҳандислик маҳоратини яққол намоён қилди.

AiMOGA Robotics компаниясининг бош ижрочи директор ўринбосари Ся Пэннинг маълум қилишича, уч йиллик интенсив тадқиқотлардан сўнг компания L2 (ҳамкорлик) даражасидан L3 (ёрдам) даражасига ўтишга муваффақ бўлган, бу эса сунъий интеллектни янада юқори босқичга олиб чиқиш йўлида муҳим қадамдир.

Бу ютуқларга Chery’нинг кучли тизимли базаси сабаб бўлди:

• AiMOGA роботларининг “кучли қўл-оёқларида” қўлланилган юқори зичликдаги бўғинлар Chery’нинг электропривод соҳасидаги илғор ечимларига асосланган.
• “Ақл маркази” вазифасини бажарувчи MoLink булут платформаси Chery автомобилларидаги маълумотларни қайта ишлаш архитектурасига ўхшаш тизимдан фойдаланади.
• Кўп модалли сезиш тизими ва MoNet модели эса Chery компаниясининг ақлли бошқарув технологияларига узоқ муддатли сармоялари натижасида ривожланган.

Ушбу ютуқлар Chery фалсафасини яққол ифодалайди — автомобиль соҳасидаги тажрибани робототехника учун барқарор инновациялар манбаига айлантириш.

Глобал экотизим: чегарасиз ўсиш

Сўнгги 22 йил давомида Chery Group Хитойнинг энг йирик енгил автомобиль экспортчиси бўлиб келмоқда. Компания 120 дан ортиқ мамлакатда 17,7 миллиондан зиёд фойдаланувчига хизмат кўрсатади ва бутун дунё бўйлаб 11 000 дан ортиқ сервис марказига эга. Ушбу кенг инфратузилма AiMOGA Robotics’нинг глобал миқёсда ривожланиши учун ишончли таянч бўлиб хизмат қилмоқда.

AiMOGA — дунёда аппарат ва дастурий таъминот бўйича Европа Иттифоқи сертификатига эга бўлган биринчи гуманоид робот бўлди ҳамда ҳозирда Малайзия, Индонезия, Бирлашган Араб Амирликлари, Жанубий Африка каби 30 дан ортиқ мамлакат бозорларига чиқди.

Келгусида компания Chery’нинг халқаро тармоғидан фойдаланиб, глобал сервис тизимини яратишни режалаштирмоқда — бу тизим тезкор жавоб, тўлиқ техник қўллаб-қувватлаш ва кенг қамровли хизматни таъминлайди. Шу тариқа AiMOGA бутун дунё бўйлаб ҳамкорлари билан биргаликда робототехника экотизимини яратишнинг янги босқичини шакллантирмоқда.

Келажакни биргаликда яратиш

Яньцзи дарёси бўйларидан тортиб глобал саҳнагача — Chery 2025 Халқаро фойдаланувчилар саммити компаниянинг анъанавий автомобиль ишлаб чиқарувчидан технологик экотизим компаниясига айланишини рамзий тарзда намоён этди.

“Co-Create . Co-Define” (“Биргаликда яратамиз . Биргаликда белгилаймиз”) шиори остида Chery автомобиль технологиялари, глобал операциялар ва жонли интеллект концепциясини бирлаштириб, янги даврни — маҳсулот инновацияларидан экотизим интеграциясигача бўлган эволюцияни бошламоқда.

Дунё бўйлаб фойдаланувчилар ва ҳамкорлар билан биргаликда Chery келажакни шакллантиришда давом этмоқда, бу келажакда технология, ҳамкорлик ва қиймат яратиш барқарор тараққиёт ва чегарасиз ҳамкорликнинг асосига айланади.

Chery автомобиль брендининг Ўзбекистондаги расмий дистрибютори бўлган ADM Global компаниялар гуруҳи томонидан тақдим этилган Ўзбекистондаги Chery автомобилларининг хусусиятлари ва нархлари билан cheryauto.uz сайтида танишиш мумкин.

Chery Uzbekistan’нинг расмий саҳифалари:

Алоқа маркази: +998 71 276 55 55

Веб-сайт   Instagram   Telegram   Telegram-бот   Facebook   YouTube

Реклама ҳуқуқи асосида