“Челси” Чемпионлар лигасида ўзига хос натижа қайт этди

Лондоннинг “Челси” клуби Чемпионлар лигаси тарихида бир ўйинда уч нафар ўсмир футболчи гол урган илк жамоага айланди. Лондонликлар бу натижани “Аякс” устидан 5:1 ҳисобида ғалаба қозонган учрашувда қайд этди. Бу ҳақда клуб матбуот хизмати хабар берди.

Ғалабада клуб академияси тарбияланувчилари 19 ёшли Марк Гиу, 18 ёшли Эстеван Виллиан ва 19 ёшли Тайрик Жорж ўз ҳиссасини қўшди. Шунингдек, Мойсес Кайседо ва Энцо Фернандес ҳам рақиб дарвозасини ишғол этди.

Учрашувдаги “Челси” таркибининг ўртача ёши 22 ни ташкил этди. Бу кўрсаткич жорий мавсумдаги Чемпионлар лигасининг энг ёш таркиби саналади. Ғалабадан сўнг бош мураббий Энцо Мареска натижани “клуб академияси ва ёш футболчилар учун фахрли кеча” деб атади. У ёш футболчиларга ишонч билдириш “Челси” стратегиясининг муҳим қисми эканини таъкидлади.

“Бизда жуда кўп иқтидорли ёш футболчилар бор ва уларга имкон беришимиз керак. Улар ўрганишни, ўсишни хоҳлашади. Бу “Челси”нинг келажаги учун жуда муҳим”,  дейди Мареска.

Мутахассис, шунингдек, бразилиялик 18 ёшли Эстеваннинг ўйинини алоҳида эътироф этди.

“Эстеван камтар, ўрганишни хоҳловчи футболчи. У менга Коул Палмерни эслатади.  Мен уни “Манчестер Сити”да бошқарганман. Эстеван ҳам худди шундай йўлдан бориши мумкин”, дейди у.

Маълумот учун, Лондоннинг “Челси” жамоаси Чемпионлар лигасининг 3-туридан сўнг 2 ғалаба ва 1 та мағлубият билан турнир жадвалида 11-ўринда бормоқда.