Charlz III mag‘lubiyatdan so‘ng Angliya futbolchilarini mamlakat faxri deb atadi

Buyuk Britaniya qiroli Charlz III Jahon chempionatining yarim finalida Argentinaga mag‘lub bo‘lgan Angliya terma jamoasini qo‘llab-quvvatlab, futbolchilar butun mamlakatga faxr bag‘ishlaganini ta’kidladi. Bu haqda qirol X ijtimoiy tarmog‘ida ma’lum qildi.

“Harri Keyn va butun jamoaga hamdardlik bildiraman. Sizlar, “Uch sherlar”, bugun mag‘lubiyat alamini his qilayotgan bo‘lsangiz-da, baribir butun millatning faxri bo‘lib qolasiz. Ishonamanki, sizlar yana kuchliroq qaytasizlar”, deya yozadi Charlz III.

Kecha, 15 iyul kuni bo‘lib o‘tgan Jahon chempionati yarim finalida Argentina Angliyani 2:1 hisobida mag‘lub etib, hal qiluvchi bosqichga yo‘l oldi.

Amaldagi jahon chempioni hisoblangan Argentina 19 iyul kuni bo‘lib o‘tadigan finalda Ispaniya terma jamoasiga qarshi maydonga tushadi. Uchrashuv AQSHning Nyu-Jersi shtati, Ist-Raterford shahridagi “MetLayf” stadionida o‘tkaziladi.