Бўстонлиқда қўл тормози тортилмаган Captiva каналга тушиб кетди (видео)
Crime
−
15 June 6746 1 minute
Кеча, 14 июнь куни Тошкент вилоятининг Бўстонлиқ тумани ҳудудидан оқиб ўтган Қоронқул каналига Captiva русумли автомобиль тушиб кетган. Бу ҳақда Фавқулодда вазиятлар вазирлиги хабар берди.
Қайд этилишича, соат 19:43 да Бўстонлиқ тумани “Қоронқул” МФЙ ҳудудидан оқиб ўтувчи Қоронқул каналига Captiva русумли автомобиль ҳайдовчининг эҳтиётсизлиги оқибатида тушиб кетгани ҳақида ФВББга хабар келиб тушган.
Вилоят ФВББ қутқарувчилари зудлик билан манзилга етиб бориб, махсус техника ва қутқарув асбоб-анжомлари ёрдамида автомобилни каналдан чиқариб олган.
Аниқланишича, ҳайдовчи автомобилни тўхтатгач, қўл тормозини тортиб қўйишни унутган. Оқибатда транспорт воситаси ўз-ўзидан ҳаракатланиб, каналга тушиб кетган. Ҳодиса оқибатида тан жароҳати олганлар йўқ.
Эслатиб ўтамиз, аввалроқ Самарқанд вилоятининг Пахтачи туманида электромопед 8 нафар одам билан каналга тушиб кетган эди.
