Buxorodagi magistral gaz quvurida yong‘in sodir bo‘ldi (video)
3-sahifa
−
10 fevral 10975
Bugun, 10 fevral kuni Buxoro viloyati hududidan o‘tgan, diametri 1020 mm bo‘lgan magistral gaz quvurida gaz sizib chiqish holati kuzatilgan hamda yong‘in sodir bo‘lgan. Bu haqda Energetika vazirligi xabar berdi.
“Hozirgi vaqtda mazkur holatni bartaraf etish bo‘yicha barcha zaruriy choralar ko‘rilmoqda. Yong‘in natijasida jabrlanganlar hamda tan jarohati olganlar yo‘q”, deyiladi xabarda.
Buxoro viloyati Favqulodda vaziyatlar boshqarmasining ma’lum qilishicha, soat 11:26 da, “GAZLI” MGQBning diametri 1020 mm bo‘lgan 26 kg bosim ostidagi “Buxoro-Ural” MGQning yer ostidan o‘tgan 106 kilometrida (eng yaqin aholi maskani Romitan tumani Qizilrabot MFYdan 40 km uzoqlikda) avariya sodir bo‘lgan. Olib borilgan tezkor harakatlar natijasida soat 11:30 da muruvvatlar yopilib, qoldiq gazlarni chiqib ketishi kuzatilgan.
“Hozirda avariya to‘liq bartaraf etildi. Voqea joyiga viloyat FVB, Romitan tumani FVB boshlig‘i 1 ta yong‘in-qutqaruv ekipaji yetib borgan. Hodisa oqibatida tan jarohati olgan va halok bo‘lganlar yo‘q”, deyiladi xabarda.