Бухоро шаҳрига янги ҳоким тайинланди
Жамият
−
04 Март 2020 8709
Бугун, 4 март куни Бухоро шаҳар фаолларининг йиғилиши бўлиб ўтди. Йиғилишда халқ депутатлари шаҳар Кенгаши депутатлари, шаҳар ҳокимининг ўринбосарлари, шаҳар ҳокимлиги аппарати масъул ходимлари, шаҳардаги давлат бошқаруви ҳамда ҳуқуқни муҳофаза қилиш органлари раҳбарлари иштирок этди.
Вилоят ҳокими Карим Камолов олиб борган йиғилишда ташкилий масала кўрилди. Бухоро вилоят ҳокимининг қарорига асосан Бухоро шаҳар ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари вазифасида ишлаб келаётган Ўткир Жумаев Бухоро шаҳар ҳокими вазифасини бажарувчи этиб тайинланди.
Эслатиб ўтамиз, Бухоро вилоятининг ҳокими Ўктам Барноев Бош вазир маслаҳатчиси этиб тайинланганди. Шундан сўнг Бухоро шаҳар ҳокими вазифасини бажариб келган Карим Камолов вилоят раҳбари этиб тайинланди.
Live
Барчаси