Бугун ўзбекистонлик футболчилар Англияга қарши ўйнайди

Спорт

−

22 Ноябрь 2023 visibility7072

Бугун, 22 ноябрь куни Индонезияда давом этаётган 17 ёшгача бўлган футболчилар ўртасидаги Жаҳон чемпионатининг 1/8 финал ўйинлари старт олади. Мазкур босқичда Ўзбекистон жамоаси англиялик тенгқурларига қарши баҳс олиб боради.

Жамолиддин Раҳматуллаев мураббийлигидаги Ўзбекистон ўсмирлар терма жамоаси плей-офф босқичига “B” гуруҳида 3-ўринни қўлга киритиб йўл олганди.

Ўзбекистон Англияга қарши кўк-оқ либосда ўйнайди. Дарвозабон эса тўқ сариқ либосда ҳаракатланади. Учрашувни гондураслик Селвин Бравн бошчилигидаги ҳакамлар гуруҳи бошқариб боради. Унга қанотларда ҳамюрти Герцон Ореллана ва никарагуалик Агуирре Ариас ёрдам беради. 4-расмий ҳакам вазифаси эса мавританиялик Даҳане Беидага топширилган.

Англия - Ўзбекистон ўртасидаги ўйин 13:30 да старт олади. Баҳс Жакарта шаҳридаги стадионда ўтказилади.

Мақола муаллифи