Бугун Ўзбекистон Туркманистонга қарши ўйнайди

Бугун, 2 сентябрь куни Тошкентдаги “Олимпия” стадионида CAFA Nations Cup 2025 мусобақаси А гуруҳи 2- тур  доирасида Туркманистон ва  Ўзбекистон терма жамоалари ўзаро куч синашади. 

Маълумот учун, жамоалар шу пайтгача 13 марта майдонга тушган.  Бу икки терма жамоа ўртасидаги дастлабки тўқнашув 1992 йилда бўлиб ўтган.

Тошкентдаги баҳсда 2-1 ҳисобида Ўзбекистон терма жамоаси ғалаба қозонган. Ўзбекистон терма жамоаси сўнгги бор Туркманистон билан Жаҳон чемпионати 2- саралаш босқичи доирасида тўқнаш келган. Ҳар иккала учрашувда ҳам бир хил ҳисобда (3-1) Ўзбекистон ғалаба қозонган.  Умумий ҳисобда 11 марта Ўзбекистон, 1 матта Туркманистон ғалаба қозонган ва 1 та дуранг натижа қайд этилган.

Терма жамоаларнинг барча тўқнашувлари:

• 28.06.1992 Ўзбекистон - Туркманистон 2:1
• 25.10.1992 Туркманистон - Ўзбекистон 1:0
• 11.04.1994 Ўзбекистон - Туркманистон 4:0
• 11.10.1994 Ўзбекистон - Туркманистон 3:0
• 11.12.1998 Ўзбекистон - Туркманистон 1:1
• 08.10.2000 Ўзбекистон - Туркманистон 3:0
• 25.04.2001 Ўзбекистон - Туркманистон 1:0
• 03.05.2001 Ўзбекистон - Туркманистон 5:2
• 26.07.2004 Ўзбекистон - Туркманистон 1:0
• 13.01.2019. Туркманистон - Ўзбекистон 0:4
• 14.06.2023 Туркманистон - Ўзбекистон 0:2
• 16.11.2023 Туркманистон- Ўзбекистон 1-3
• 06.06.2024 Ўзбекистон- Туркманистон 3-1

 
1-тур учрашувларидан сўнг А гуруҳида тўрт жамоанинг барчаси бир очкодан жамғарган. Айни дамда FIFA рейтингида Ўзбекистон 55-ўринни, Туркманистон эса 140-поғонани эгаллаб турибди.

Учрашув соат 19:00да бошланади.