Бугун Ўзбекистон олимпия жамоаси Эронга қарши ўйнайди
Спорт
−
12 Сентябрь 2023 2661
Айни кунларда Тошкент шаҳрида футбол бўйича U-23 Осиё чемпионатининг саралаш баҳслари ўтказилмоқда. Ўзбекистон олимпиячилари бугун Эронга қарши тўп суради.
Дастлаб 2 та турда ғалабага эришган ҳар икки жамоа ҳам бугун гуруҳ ғолиблиги учун курашади. Ғалаба қозонган жамоа “E” гуруҳида1-ўринни қўлга киритиб, тўғридан-тўғри Осиё чемпионатига йўл олади. Гуруҳда 2-ўринни банд этган энг яхши 4 та жамоа ҳам турнирнинг ҳал қилувчи баҳсига йўл олади.
Ортда қолган 2 та турдан сўнг Ўзбекистон жамоасининг тўплар нисбати 18-1 ни ташкил этади. Эронда эса бу кўрсаткич 7-0.
Ўзбекистон-Эрон ўйини бугун, 12 сентябрь куни 19:00 да старт олади. Баҳс Тошкент шаҳридаги ЖАР стадионида бўлиб ўтади
Live
Барчаси
