Бугун U-23 Осиё кубоги старт олади
Спорт
−
15 Апрель 10069
Бугун, 15 апрель куни Қатарда 23 ёшгача бўлган футболчилар ўртасидаги Осиё кубоги баҳслари бошланади. Дастлабки кунги баҳсларни “A” гуруҳи жамоалари бошлаб беради.
1-турда Австралия-Иордания ва Қатар-Индонезия учрашуви бўлиб ўтади. Темур Кападзе бошчилигидаги Ўзбекистон Олимпия терма жамоаси эса турнирдаги юришини 17 апрель куни бошлайди. “D” гуруҳидан ўрин олган ўзбекистонлик футболчиларга дастлабки турда малайзиялик тўп усталари рақиблик қилади.
Шунингдек, Ўзбекистон жамоаси гуруҳ босқичида Малайзиядан ташқари Вьетнам ва Қувайт жамоалари билан баҳс олиб боради. Ўзбекистоннинг Қувайтга қарши ўйини 20 апрель, Вьетнамга қарши учрашуви эса 23 апрель куни бўлиб ўтади.
Қайд этиш жоиз, турнирда совриндор бўлган жамоалар шу йил ёзда Франция пойтахти Париж шаҳри мезбонлик қиладиган Олимпиада ўйинларига йўлланмани қўлга киритади. 4-ўрин соҳиби эса плей-офф ўйинида иштирок этади.
Live
Барчаси
