Бугун Тошкентнинг айрим маҳаллалари “свет”сиз қолади

Бугун, 20 июнь куни Тошкент шаҳрининг Мирзо Улуғбек туманидаги айрим маҳаллалар саккиз соат давомида электр билан таъминланмайди. Бу ҳақда “Тошкент шаҳар электр тармоқлари” МЧЖ хабар берди.

Маълум қилинишича, туманнинг “Алишеробод”, “Ижодкор”, “Геофизика”, “Геологлар”, “Сарбон”, “Темурийлар”, “Чингелди” ҳамда “Иқтидор” МФЙларининг айрим ҳудудларида соат 09:00 дан 17:00 гача электр токи бўлмайди.

Ташкилот истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш ҳамда мавжуд электр қурилмаларида таъмирлаш ишларини олиб бориш чоралари кўрилаётганини билдирган.

“Тошкент шаҳар электр тармоқлари ” МЧЖ мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди. Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдириб ўтамиз”, дейилган хабарда.