Бугун Тошкентнинг 5 тумани аҳолиси газсиз қолади

Бугун, 15 август куни пойтахт Тошкентнинг Сергели, Шайхонтоҳур, Бектемир, Янгиҳаёт ва Учтепа туманларига табиий газ етказиб берилиши вақтинча тўхтатилади. Бу ҳақда “Ҳудудгазтаъминот” АЖ ахборот хизмати хабар берди.

Қайд этилишича, таъмирлаш ишлари туфайли қуйидаги ҳудудларда газ таъминоти ўчирилади:

• Сергели туманининг “Маданият”, “Халқобод”, “Бирдамлик”, “Шукрона”, “Қўшқўрғон”, “Хонободтепа”, “Номданак” маҳаллаларида соат 11:00 дан 16:00 гача;
• Шайхонтоҳур туманида жойлашган 3-сонли Марказий иссиқлик қозонхонаси, “Сузук ота”, “Тинчлик”, “Илғор”, “Жар-ариқ”, “Кўкча”, “Исломобод”, “Янги шаҳар”, “Обиназар”, “Катта ховуз”, “Оқлон” маҳаллаларида, “Самарқанд Дарвоза”да иккита 12-қаватли уй ҳамда 1 та 9 қаватли уйда;
• Бектемир туманининг “Олтинтопган” маҳалласида соат 10:00 дан 18:00 гача;
• Янгиҳаёт туманининг “Чоштепа” маҳалласида соат 15:00 дан 18:00 гача;
• Учтепа туманининг “Боғичинор”, “Истироҳат”, “Шафтолизор” маҳаллаларида газ бўлмайди.