Бугун 18-Осиё кубоги бошланади
Спорт
−
12 Январь 6972
Бугун, 12 январь куни Қатарда футбол бўйича Осиё кубоги старт олади. Турнирда қитъанинг 24 та терма жамоаси иштирок этади.
Баҳслар 10 февралга қадар давом этади. Ўйинлар 8 та стадионда, жумладан, 2022 йилда Қатарда бўлиб ўтган Жаҳон чемпионати учун бунёд этилган 6 та аренада бўлиб ўтади.
Турнирнинг амалдаги чемпиони – Қатар терма жамоаси ўз майдонида чемпионлик унвонини ҳимоя қилади ва очилиш учрашувида мезбонлар Ливан терма жамоасига қарши майдонга тушади.
2023 йилги Осиё кубогининг очилиш ўйини 12 январь куни Лусаил шаҳридаги “Миллий” стадионида бўлиб ўтади. Старт ҳуштаги Тошкент вақти билан соат 21:00 да чалинади.
Қайд этиш жоиз, 18-Осиё кубогининг очилиш ўйини Қатарда дам олиш куни саналган жума куни, финал ўйини эса дам олиш кунлари бўлиб ўтади. Бу мухлисларга қулайлик яратиш мақсадида қилинган.
Live
Барчаси
