Бу геноцид! – АҚШ Давлат департаменти Хитой бўйича позициясини ўзгартирмаяпти
Олам
−
10 Март 2021 7182
Қўшма Штатлар Хитой ҳукуматининг Шинжон-Уйғур автоном вилоятидаги этник уйғурларга қарши ҳаракатларини “геноцид” деб ҳисоблашда давом этмоқда. Бу ҳақда АҚШ Давлат департаменти вакили Нед Прайс матбуот анжуманида маълум қилди.
“Аввалроқ АҚШ давлат котиби Энтони Блинкен айтганидек, Вашингтон Шинжонда содир бўлаётган воқеаларни геноцид деб билади. Биз ушбу баҳони ўзгартириши мумкин бўлган нарсани кўрмадик. Биз минтақада зўравонлик тугаганлигини кўрсатадиган ҳеч нарса кўрмадик”, дейди у.
Дональд Трамп даврида Қўшма Штатлар Хитойнинг Шинжон-Уйғур автоном вилоятидаги уйғурларга қарши ҳаракатларини геноцид деб эълон қилганди. Баёнот ўша вақтдаги давлат котиби Майкл Помпео томонидан тақдим этилганди.
Жо Байден маъмурияти ушбу сиёсатни давом эттириш ниятида эканлигини билдирмоқда.
Пекин АҚШнинг айбловларини рад этмоқда.
Live
БарчасиБухорода Ғиждувон деҳқон бозори ёнмоқда.
14 Декабрь
