Бритни Спирснинг 14 ойлик турмуши бузиляпти

Дунёга машҳур Америкалик қўшиқчи Бритни Спирс 14 ойлик турмушидан сўнг ажрашди. Бу ҳақда “The Guardian” нашри хабар берди.

Хонанда 2022 йил 9 июнь куни Калифорниянинг Thousand Oaks шаҳридаги уйида актёр Асгари билан турмуш қурган эди. Тўйда Селена Гомес, Дрю Бэрримор, Пэриж Хилтон ва Мадонна каби меҳмонлар қатнашган. Аммо орадан бир йилдан ортиқроқ вақт ўтиб, жуфтлик ажрашишга қарор қилди.

Билдирилишича, актёрлар кеча, 16 август куни ажрашиш ҳақидаги аризани судга тақдим этган. Ажрим сабаблари ва ишни қайси округ суди кўриб чиқиши ҳозирча очиқланмаган.

Маълумот учун, поп юлдузи Бритни модель ва актёр Асгари билан 2016 йилда “Slumber Party” қўшиғи учун видеоклип суратга олиш вақтида танишган ва учрашишни бошлаган. Кейинчалик у Асгарига турмуш қуриш таклиф қилган ва жуфтлик 2021 йилда унаштирилганини эълон қилганди. Бу никоҳ 41 ёшли Спирс учун учинчи ва 29 ёшли Асгари учун биринчи турмуш бўлган.

Эслатиб ўтамиз, голливуднинг юлдузли жуфтлиги Анжелина Жоли ва Бред Питт 2016 йилда икки йиллик никоҳдан ва деярли ўн йиллик муносабатлардан кейин ажрашди. Шунингдек, ўтган йили июнь ойида “Барселона” ҳимоячиси Жерар Пике ва таниқли хонанда Шакира ҳам ажрашган эди.