Британияда Қирол Чарльз III тасвири туширилган банкнота дизайни эълон қилинди

Британия банки мамлакат Қироли Чарльз III тасвири туширилган банкнот дизайнини тақдим этди. Бу ҳақда “Bloomberg” нашри хабар берди.

Маълумотларга кўра, монарх портрети 5, 10, 20 ва 50 фунт номиналидаги полимер банкнотларда пайдо бўлади.

Монархнинг тасвири банкнотларнинг олд томонида, шунингдек, Биг Бен тасвири ёнидаги шаффоф ҳимоя ойнасида пайдо бўлган. Орқа томонда собиқ Бош вазир Уинстон Черчилль, ёзувчи Жейн Остен, рассом Уильям Тёрнер ва математик Алан Тьюринг тасвирланган.

Британия банки дизайнни ишлаб чиқишда қироллик оиласи вакиллари иштирок этганини қайд этган.

Қирол тасвири туширилган банкноталар 2024 йил ўрталарида муомалага чиқарилади. Шу билан бирга, қиролича Елизавета II портрети туширилган банкноталар эскиргунча ёки шикастланмагунча қонуний тўлов воситаси бўлиб қолади.

Эслатиб ўтамиз, Буюк Британия қироллик зарбхонаси Буюк Британия Қироли Чарльз III тасвири туширилган 5 фунтлик тангаларни чиқаришни бошлагани ҳақида хабар берилганди.