Британия Украинага ўзиюрар зенит қуроллари беради

Олам 7199
image

Украина Қуролли Кучлари (УҚК) Буюк Британиядан Starstreak ракеталари билан жиҳозланган Stormer ўзиюрар зенит қуролларини олади. Ускуналар бепул етказилади, деган кеча, 25 апрель, душанба куни Буюк Британия Мудофаа вазирлиги раҳбари Бен Уоллес Жамоалар палатасидаги чиқиши чоғида.

“Бош вазир [Борис Жонсон] эълон қилганидек, 100 миллион фунт стерлинглик юқори даражадаги ҳарбий техника, жумладан 120 та зирҳли техника, кемага қарши ракеталар ва аниқ зарбалар бериш учун юқори технологияли ўқ-дорилар етказиб берилади”, деган Уоллес.

Мудофаа вазирлиги раҳбарининг сўзларига кўра, Украина сўраётган нарсаларга нисбатан, бу “етарли эмас”. Шунинг учун Starstreak ракеталари билан жиҳозланган Stormer зенит қурилмалари бепул юборилади.

22 апрель куни Буюк Британия Бош вазири украиналик ҳарбийлар Буюк Британия ва Польшада тайёргарликдан ўтаётганини маълум қилди. Украина Қуролли Кучлари ҳарбий хизматчилари Британия бронетранспортёрлари (БТР) ва зенит тизимларини бошқариш бўйича ўқитилган.

Бундан ташқари, Буюк Британия Украинага камида 120 та машина юборишга рози бўлди, улардан 80 таси Mastiff, Husky ва Wolfhound русумидаги зирҳли машиналар бўлиб, улар фронт орти ва фронтда фойдаланиш учун мўлжалланганшунингдек, 40 та Samaritan, Spartan ва Samson автомобиллари бор.

Суннатилла Абдуллаев
Мақолага баҳо беринг
Баҳолаганлар: 299
Рейтинг: 2.9
t
×