Британия Россияга қарши санкцияларни кенгайтирди

Буюк Британия ҳукумати бугун, 17 июнь куни Украинадаги уруш туфайли Россияга қарши янги санкциялар эълон қилди. Бу ҳақда Британия ҳукумати хабар берди.

Эълон қилинган санкциялар рўйхатига кўра, чекловлар 20 та кема, олти компания ёки муассаса ҳамда тўрт шахсга тегишли. Жумладан, рўйхатга “Атлас” (УГМК-ИНВEСТ) ОАЖ, “Металлург” МЧЖ, Orion Star Group, Rosneft Marine (Буюк Британия) Ltd, Россия Мудофаа вазирлигининг Денгиз чуқурликларини тадқиқ қилиш бош бошқармаси ва Valegro LLC-FZ, шунингдек, россиялик Юрий ва Игорь (Эгор) Карасевлар, Польша фуқароси Олег Ткач ва Британия фуқароси Владимир Приступачлар киради.

Буюк Британия Бош вазири Кир Стармер жазоларни кенгайтиришни G7 давлатларининг мувофиқлаштирилган ҳаракатларининг бир қисми деб атади.

“Биз янги санкциялар пакети устида ишлаяпмиз ва мен барча ҳамкорларимиз билан ҳамкорлик қилишга содиқман. G7 Россиянинг энергия даромадларини ва у ноқонуний урушига йўналтириши мумкин бўлган ресурсларни камайтириш мақсадида”, деди у G7 саммити бўлиб ўтаётган Канаданинг Кананаскис шаҳрида.

“Reuters” агентлигига кўра, G7 17 июндаёқ Москвага қарши янги санкциялар эълон қилиши мумкин.

Умуман олганда, Буюк Британия санкциялари рўйхатининг Россия қисмига аллақачон 2300 дан ортиқ жисмоний, юридик шахслар ва судлар киритилган.

Эслатиб ўтамиз, аввалроқ Европа Иттифоқи давлатлари Россияга қарши 17-санкция пакетини маъқуллаганди. Янги пакет Россия Федерацияси нефть эмбаргосини четлаб ўтиш учун фойдаланадиган Россия “соя” флотининг 200 та кемасига мўлжалланган.