Braziliyada havo sharining qulashi oqibatida 8 kishi halok bo‘ldi (video)
Olam
−
22 iyun 2025 4977 1 daqiqa
Braziliyaning Santa-Katarina shtatida havo sharining qulashi oqibatida kamida sakkiz kishi halok bo‘ldi. Bu haqda CNN xabar berdi.
“Samolyotda 21 kishi bo‘lgan – sakkiz nafari halok bo‘lgan, 13 nafari tirik qolgan. Biz vaziyatni kuzatishda davom etamiz”, deb yozadi shtat gubernatori Jorjinyu Mellu ijtimoiy tarmoqda.
Gubernator jabrlanganlar va marhumlarning oila a’zolariga barcha zarur yordamni ko‘rsatishga va’da berdi.
Balon havoda yonib ketgan. Halokat sabablari hozircha o‘rganilmoqda. Dastlabki ma’lumotlarga ko‘ra, yong‘in sharlar savatida yondirgich tufayli boshlangan. Havo shari tibbiyot markazi yaqinidagi qishloq hududiga qulagan.
Omon qolganlar, jumladan, uchuvchi ham yaqin atrofdagi shifoxonalarga yetkazilgan.
Eslatib o‘tamiz, avvalroq Hindistonning Uttarakxand shtatida vertolyot qulashi oqibatida besh kishi halok bo‘lgandi, ikki kishi jarohat olgandi.
