Бразилия Исроил элчисини қабул қилмади

Бразилия ҳукумати мамлакатдаги янги Исроил элчисини тайинлашни кечиктиришга қарор қилди. Бу ҳақда кеча, 25 август куни CNN хабар берди.

Колумбиядаги собиқ Исроил элчиси Гали Даган ўтган ҳафта лавозимини тарк этган Исроилнинг Бразилиядаги элчиси ўрнига тайинланган. Бироқ Даган Бразилия томонидан бу лавозимга тасдиқланмаган.

Шундан сўнг, Исроил ҳукумати дипломат Гали Даган номзодини Бразилиядаги элчи лавозимига кўрсатишдан расмий равишда воз кечган. Мазкур тўсиқ ортидан Исроил ҳукумати Итамартига (Бразилия ТИВ) дипломатик муносабатларга таъсир кўрсатишини маълум қилган. Шунингдек, Исроил янги номзод тақдим этмаслиги мумкинлиги ва яқин орада Бразилияда элчисиз қолиши эҳтимоли ҳам қайд этилган.

Маълумот учун, Бразилия ва Исроил ўртасидаги дипломатик алоқалар Исроилнинг Ғазога уруш бошланганидан кейин кескинлашган. Президент Луис Инасио Лула да Сильва Исроил Бош вазири Биньямин Нетаньяхуни кескин танқид қилгани ортидан у Исроилда “персона нон грата” деб эълон қилинган.

Дипломатик инқироз фонида Бразилия 2024 йилда ўз элчисини Исроилдан чақириб олган ва шу кунгача янги номзод тақдим этмаган. Бразилия ҳукумати ушбу қарорига изоҳ беришдан бош тортган.

Эслатиб ўтамиз, аввалроқ Бирлашган Миллатлар Ташкилоти Ғазо секторидаги очарчиликни биринчи марта расман тасдиқлаганди. Хусусан, БМТ Ғазодаги очлик даражасини энг ёмон  5-босқичга кўтариб, бутун дунёга урушни тўхтатиш бўйича тезкор баёнот билан чиқди.