Бош вазир коронавирус бўйича топшириқ берди. Муҳлат икки кун

Россия Федерацияси Бош вазир Михаил Мишустин икки кун ичида Россияда ҳалигача аниқланмаган коронавирус инфекциясининг олдини олиш режасини ишлаб чиқишни буюрди. 

Бугун, 27 январь куни Вазирлар Маҳкамаси раҳбари коронавирус инфекциясининг тарқалишининг олдини олиш ва назорат қилиш бўйича йиғилиш ўтказди. Унда коронавирус тарқалишининг олдини олиш чораларини кўриш бўйича чора-тадбирларни ишлаб чиқиш муҳокама қилинди. Бугунги кунда Россияда коронавирус инфекциясининг биронта ҳам ҳолати аниқланмаганлиги қайд этилган.  

“Учрашув давомида Бош вазир тегишли ижро этувчи ҳокимият органларининг ўзаро ҳамкорлиги бўйича тезкор штаб ташкил қилишни буюрди. Унинг таркибига фавқулодда вазиятлар вазирлиги, Ички ишлар вазирлиги ва Саноат ва савдо вазирлиги раҳбарлари кирган. Шунингдек, Роспотребнадзорга коронавирус инфекциясининг тарқалишининг олдини олиш ва назорат қилиш бўйича икки кунлик режа тайёрлаш вазифаси юклатилди”, дейилади Ҳукумат сайтида. 

Учрашувда Бош вазирнинг ўринбосари – Ҳукумат аппарати раҳбари Дмитрий Григоренко, Бош вазирнинг ўринбосари Татьяна Голикова, Транспорт вазири Евгений Дитрич, Соғлиқни сақлаш вазири Михаил Мурашко, Роспотребнадзор раҳбари Анна Попова ва “Аэрофлот” бош директори Виталий Савелев иштирок этган.