Bosh vazir Abdulla Aripov Qirg‘izistonga bordi

Jamiyat

−

09 dekabr 2022 visibility8086 timer1 daqiqa

O‘zbekiston Respublikasi Bosh vaziri Abdulla Aripov Qirg‘iziston Respublikasiga bordi. Bu haqda Qirg‘iziston Vazirlar Mahkamasi matbuot xizmati xabar berdi.

“Manas” xalqaro aeroportida oliy martabali mehmonni Qirg‘iziston Respublikasi Vazirlar Mahkamasi raisi – Prezident Administratsiyasi rahbari Oqilbek Japarov kutib olgan.

O‘zbekiston Respublikasi Bosh vaziri Abdulla Aripov Yevroosiyo iqtisodiy kengashi kuzatuvchi-davlati delegatsiyasi rahbari sifatida Oliy YeOII majlisida ishtirok etish uchun Qirg‘izistonga borgan.

Ma’lumot uchun, Yevroosiyo iqtisodiy ittifoqiga Rossiya, Qozog‘iston, Belarus, Qirg‘iziston va Armaniston a’zo hisoblanadi. O‘zbekiston ushbu tashkilotga 2021 yilning 11 dekabrida kuzatuvchi maqomi bilan kirgan.

Maqola muallifi