Бош прокурор Ниғматилла Йўлдошев Сенатда ҳисоб бериши кутилмоқда

Жамият 4089
image
-

Жорий йилнинг 23 апрель куни Ўзбекистон Республикаси Олий Мажлис Сенатининг ўн тўртинчи ялпи мажлис бўлиб ўтади. Унда мамлакат Бош прокурори Ниғматилла Йўлдошев, Марказий банк раиси Мамаризо Нурмуротовнинг ҳисоботи тингланади. Бу ҳақда кеча, 8 апрель куни Сенат Кенгашининг мажлиси қарор қабул қилинган. Мажлисни Сенат раиси Танзила Норбоева олиб борган. 

Видеоконференцалоқа тарзида ўтказиладиган ялпи мажлисда бир қатор масалалар кўриб чиқилиши режалаштирилган. 

•    “Ўзбекистон Республикасида чет эл фуқароларининг ва фуқаролиги бўлмаган шахсларнинг ҳуқуқий ҳолати тўғрисида”ги;

•    “Лицензиялаш, рухсат бериш ва хабардор қилиш тартиб-таомиллари тўғрисида”ги, “Фазовий маълумотлар тўғрисида”ги;

•    “Ноширлик фаолияти тўғрисида”ги;

•    “Психиатрия ёрдами тўғрисида”ги;

•    “Ўзбекистон Республикасининг айрим қонун ҳужжатларига ўзгартишлар ва қўшимча киритиш тўғрисида”ги;

•    “Ўзбекистон Республикаси, бир томондан ва Буюк Британия ва Шимолий Ирландия, иккинчи томондан, ўртасида шерикчиликни таъсис этувчи шерикчилик ва ҳамкорлик тўғрисидаги Битимни (Тошкент, 2019 йил 31 октябрь) ратификация қилиш ҳақида”ги Ўзбекистон Республикаси қонунлари шулар жумласидан.

Бундан ташқари, Ўзбекистон Республикаси Ҳисоб палатасининг 2020 йилдаги фаолияти, Бош прокурорнинг прокуратура органларининг 2020 йилдаги фаолияти, Марказий банки бошқаруви раисининг Марказий банкининг 2020 йилдаги фаолияти тўғрисидаги ҳисоботлари эшитилиши назарда тутилган.

Шу билан бирга, мамлакатимиз олий ўқув юртлари битирувчиларини иш билан таъминлаш ҳолати тўғрисида Вазирлар Маҳкамасига парламент сўрови юбориш масаласи муҳокама қилиниши режалаштирилган.

Қолаверса, аҳолини ичимлик суви билан таъминлашдаги муаммолар, хотин-қизлар тадбиркорлигини ривожлантириш учун яратилган шарт-шароитлар ҳамда боғдорчилик-узумчилик ширкатларининг амалдаги фаолияти ва уларнинг ташкилий-ҳуқуқий асосларини такомиллаштириш тўғрисида Вазирлар Маҳкамасига юборилган парламент сўровлари натижалари ва бошқа масалалар кўриб чиқилиши назарда тутилган.

Qalampir.uz Tahririyati
Мақолага баҳо беринг
Баҳолаганлар: 56
Рейтинг: 3.1
t
×