Бокс. Ўзбекистонликлар Осиё чемпионатида 9 та олтин медаль учун жанг қилади

Иордания пойтахти Амман шаҳрида ўтказилаётган бокс бўйича катталар ўртасидаги Осиё чемпионатининг ярим финал жанглари ортда қолди. Эркаклар ўртасидаги баҳсларда ўзбекистонлик боксчиларнинг 7 нафари турнирнинг финал босқичига йўлланмани қўлга киритган бўлса, 3 нафари мусобақанинг бронза медалига эга чиқди. 

Ўзбекистонлик боксчилардан -54 кгда Шаҳзод Музаффаров, -60 кгда Адҳамжон Муҳиддинов ва -67 кг вазн тоифасида Асадхўжа Мўйдинхўжаев 3-ўрин билан кифояланди.

Саиджамшид Жафаров, Лазизбек Мулложонов, Ҳасанбой Дўсматов, Абдумалик Халаков, Руслан Абдуллаев, Одилжон Аслонов ва Мадияр Саидраҳимов ўз вазн тоифасида финал йўлланмасини қўлга киритди.

Маълумот учун, бугун, 11 ноябрь куни аёллар ўртасида қитъа биринчилигининг финал жанглари ўтказилади. Ўзбекистон вакилаларидан Навбаҳор Ҳамидова ва Соҳиба Рўзметова Осиё чемпионлиги учун рингга кўтарилашади.

-66 кг: Навбаҳор Ҳамидова - Чои Хонгеун (Жанубий Корея) (16:40 дан сўнг)

-75 кг: Соҳиба Рўзметова - Ловлина Боргоаин (Ҳиндистон) (17:10 дан сўнг)

Эслатиб ўтамиз, эртага, 12 ноябрь куни эркаклар ўртасидаги финал жанглари бўлиб ўтади.