БМТ Бош котиби Қора денгиз дон ташаббуси атрофидаги вазиятдан хавотирда

Олам 2387
image

Бирлашган Миллатлар Ташкилоти Бош котиби Антониу Гутерриш Қора денгиз ғалла ташаббуси атрофида давом этаётган вазиятдан чуқур хавотирда. Бу ҳақда БМТ матбуот хизмати хабар берди. 

Бош котиб бу масалага эътибор қаратиш мақсадида Араб Лигаси саммити учун Жазоирга жўнаб кетишини бир кунга кечиктиришга қарор қилган. 

Қайд этилишича, Гутерриш Россиянинг Қора денгиз дон ташаббусидаги иштирокини тиклашга қаратилган фаол музокараларни давом эттирмоқда. 

Бу саъй-ҳаракатлар, шунингдек, Украинанинг озиқ-овқат ва ўғит экспортини рағбатлантириш ташаббусини қайта бошлаш ва тўлиқ амалга ошириш, шунингдек, Россия озиқ-овқат ва ўғит экспорти учун қолган тўсиқларни бартараф этишга қаратилган. 

Қора денгиз ташаббуси Украинанинг учта портидан: Одесса, Чорноморск ва Южний портларидан дон экспортини таъминлайди. Украина, Россия, Туркия ва БМТдан келган кузатувчилар Қора денгиз орқали ўтаётган кемаларни Украина портларига кетаётган ва қайтаётганларида биргаликда текширув ўтказмоқда. 

Қўшма марказнинг йиғилиши

Бирлашган Миллатлар Ташкилоти Котибияти бугун Истанбулдаги Қора денгиз ташаббусининг Қўшма мувофиқлаштирувчи маркази ишида иштирок этаётган барча делегацияларни чақирди. Учрашувда Россия делегацияси Ташаббус фаолиятини амалга оширишдаги иштирокини, жумладан, текширувларни номаълум муддатга тўхтатиб, БМТ ва Туркия делегацияси билан долзарб масалалар бўйича мулоқотни давом эттиришини маълум қилди. Россия делегацияси, шунингдек, Қўшма мувофиқлаштирувчи марказ томонидан зудлик билан қарор қабул қилишни талаб қиладиган масалалар бўйича масофавий ҳамкорликка тайёрлигини билдирди. 

Бирлашган Миллатлар Ташкилоти Котибияти Туркиянинг Қўшма мувофиқлаштирувчи марказдаги делегацияси билан яқин ҳамкорликда барча вакиллар билан ташаббусда белгиланган мақсад ва қоидаларга мувофиқ Қўшма мувофиқлаштирувчи марказ фаолиятининг олдинга силжиши вариантларини таклиф қилишда давом этмоқда. 

Ташаббусни амалга оширишни давом эттириш учун Туркия ва БМТ делегацияларига эртага 40 та кемани текшириш учун 10 та тафтиш гуруҳини тақдим этиш таклиф қилинди. Ушбу текшириш режаси Украина делегацияси томонидан қабул қилинди  Бу ҳақда Россия Федерацияси делегациясига хабар берилди. 

Кеча, 30 октябрь куни коридорда кемалар ҳаракати кузатилмади. Ташаббус ҳозирда Украинанинг учта портида ёки яқинида сиғими 700 000 метрик тоннадан ортиқ бўлган 21 та кемага эга, шу жумладан Африка шохи (Шарқий Африкадаги Эфиопия ва унинг таъсири остидаги мамлакатларни бирлаштирган минтақа) учун 30 000 метрик тонна буғдой юкланган Жаҳон озиқ-овқат дастурининг IKARIA ANGEL кемаси. 

Бугунги кунга келиб, Ташаббус доирасида Украина портларидан экспорт қилинган дон ва озиқ-овқат маҳсулотларининг умумий 9 521 645 тоннани ташкил этади.

Эслатиб ўтамиз, Бирлашган Миллатлар Ташкилоти, Туркия ва Украина делегациялари бугун, 31 октябрь куни денгиз гуманитар йўлак бўйлаб 14 та ўрнига 16 та кеманинг ҳаракатланиши жадвалини тасдиқлади. 

Qalampir.uz Tahririyati
Мақолага баҳо беринг
Баҳолаганлар: 36
Рейтинг: 3
t
×