Блинкен Исроилга борди (видео)
Олам
−
12 Октябрь 2023 6729
АҚШ Давлат котиби Энтони Блинкен Исроилга етиб борди. Бу ҳақда “Reuters” хабар берди.
Айтилишича, мазкур ташриф Вашингтоннинг Исроил билан бирдамлигини намойиш этиш учун мўлжалланган Яқин Шарқ сафарининг бир қисмидир. Блинкен Исроилга сафари давомида мамлакат Бош вазири, Президенти, шунингдек, бошқа юқори мартабали амалдорлари билан учрашмоқчи.
"Ушбу оғир кунларда ажойиб иш олиб бораётган элчихонамиз ходимлари билан учрашишни интиқлик билан кутаман. Биз Исроил ўзини ҳимоя қилиши ва ўз халқи хавфсизлигини таъминлаши учун зарур барча ёрдамни берамиз”, деган АҚШ Давлат котиби.
Унинг сўзларига кўра, Исроил сўраган ҳарбий ёрдам аллақачон жўнатилган.
Учрашувлар давомида ҲАМАС томонидан ўғирлаб кетилган ва гаровга олинганларни озод қилиш ва Исроил қўшинларининг қуруқликдан бостириб кириши эҳтимолини кутган ҳолда тинч аҳолини Ғазо секторидан хавфсиз олиб чиқиш масалалари муҳокама қилинади.
Шуингдек, Блинкен эртага, 13 октябрь куни Фаластин Президенти Маҳмуд Аббос билан учрашишни режалаштирган.
Эслатиб ўтамиз, олдинроқ Украина Президенти Владимир Зеленский ҳам Исроилга ташриф буюришни режалаштираётгани айтилганди.
Live
Барчаси
