“Биринчи хоним билан TikTok”. Татьяна Каримова тренд видеода суратга тушди (видео)

Ўзбекистон Республикасининг Биринчи Президенти Ислом Абдуғаниевич Каримовнинг беваси, собиқ биринчи хоним Татьяна Акбаровна Каримова неваралари билан ижтимоий тармоқдаги тренд видеода суратга тушди. Видеони Каримованинг блогер набираси Марям Тилляева ижтимоий тармоққа жойлади.

“Биринчи хоним билан TikTok ёки Янги йилни кичик оила даврамизда  қандай нишонлаганимиз. Мен бувимни бутун қалбим билан қадрлайман!” деб ёзди Тилляева.

Видеода Татьяна Каримова неваралари Марям Тилляева ва Имон Каримова билан ҳозирда ижтимоий тармоқларга трендга айланаётган мусиқага рақсга тушаётганини кўриш мумкин.

Эслатиб ўтамиз, Татьяна Каримова Янги йилни набиралари билан Абу-Дабида нишонлагани ва улар биргаликда машҳур италиялик қўшиқчи Андреа Бочеллининг концертида бўлишгани хабар қилинганди.