Бензема “Селтик”га қарши ўйинда қатнашмаслиги мумкин

Sport

−

01 November 2022 visibility3209 timer1 minute

"Реал" ҳужумчиси Карим Бензема Европа Чемпионлар лигаси гуруҳ босқичининг сўнгги турида "Селтик"га қарши ўйинни ўтказиб юбориши мумкин. Бу ҳақда "Marca" нашри хабар берди.

Хабарга кўра, ҳужумчи жамоанинг душанба кунги машғулотларида қатнашмаган, шунинг учун мураббийлар штаби футболчига Шотландия клубига қарши ўйинда майдонга тушишга рухсат бермаслиги эҳтимоли бор.

Аввалроқ, "Олтин тўп" соҳиби чап оёғидан жароҳат олгани маълум бўлганди.

Жорий мавсумда Бензема "Реал" сафида 11 та ўйинда майдонга тушиб, 6 та гол урди ва 1 та голли узатмани амалга оширди.

Шахзод Шукуров

Author