Бекободда сувга чўкаётган гўдакнинг ҳаёти сақлаб қолинди

Жамият

−

19 Июнь 2020 visibility9760 timer1 дақиқа

Жорий йилнинг 18 июнь куни Тошкент вилоятининг Бекобод туманида чўкиб кетаётган гўдакнинг ҳаёти сақлаб қолинди. Бу ҳақда Фавқулодда вазиятлар вазирлиги Матбуот хизмати хабар бермоқда.

Шу куни соат 11:10 лар атрофида туманнинг “Ўзбекистон” МФЙ ҳудудидан оқиб ўтувчи “Хосёз” каналида гўдак оқиб кетаётганлиги маълум бўлди. Тошкент вилояти ФВБ Бекобод шаҳар Фавқулодда вазиятлар бўлимига қарашли Ёнғин-қутқарув қисм қутқарувчиси сержант Жасур Умирзаков болани қутқармоқчи бўлади.

У шу мақсадда ўзини сувга отади. Гўдакни каналдан олиб чиқиб, унга биринчи тиббий ёрдам кўрсатади ва ота-онасига топширади. Воқеа жойига чақиртирилган тез-тиббий ёрдам хизмати гўдакни шифохонага олиб кетган.

Маълумотларга кўра, ҳозирда боланинг соғлиғи яхши.

Мақола муаллифи