Байден ва Зеленский Парижда Украинага кейинги ёрдамни муҳокама қилишди

АҚШ Президенти Жо Байден ва унинг украиналик мавқедоши Владимир Зеленский Парижда учрашиб, Украинани Россия тажовузкорлигига қарши туришда қўллаб-қувватлаш бўйича музокаралар ўтказди. Бу ҳақда Оқ уй матбуот хизмати хабар берди. 

АҚШ Президенти Қўшма Штатлар Украинага Байден президентлиги даврида тахминан 225 миллион долларлик олтинчи ҳарбий ёрдам пакетини юборишини тасдиқлади. Янги пакетга Украина Қуролли кучлари Харьковни Россиянинг йирик ҳужумидан ҳимоя қилиш учун Россия ичида зарбалар беришда фойдаланиши мумкин бўлган ўқ-дорилар киради.

"Ёрдам HIMARS артиллерия ракета тизимлари учун ўқ-дорилар, шунингдек, миномёт тизимлари ва турли турдаги артиллерия снарядларини ўз ичига олади", дейди расмийлар.

Иттифоқчи қўшинлар фашистлар Германияси армиясига зарба бериш учун Нормандияга киритилганининг 80 йиллигида нутқ сўзлаган Байден ҳозир Россия билан уришаётган Украина “ҳукмронликка интилаётган золим” томонидан босиб олингани ва демократия Иккинчи жаҳон урушидан бери ҳар қачонгидан ҳам катта хавф остида эканини айтди.

"80 йил олдин изоляция қилиш жавоб эмас эди ва бугунги кунда ҳам жавоб эмас. Хато қилманг, биз бошимизни эгмаймиз, тажовузкорга таслим бўла олмаймиз, буни тасаввур қилиб бўлмайди. Агар шундай қилсак, бизнинг эркинлигимиз тугайди, бутун Европа хавф остида қолади”, деган Президент Кольвиль-сюр-Мерда сўзлаган нутқида.