Байден Путиннинг нефть даромадини қисқартиришга бор кучи билан ҳаракат қилишга ваъда берди

Олам 5950
image

Қўшма Штатлар Европадаги иттифоқчилари билан Россия нефтига максимал нархларни белгилашга уринишда давом этади. Бу ҳақда бугун, 13 июль куни АҚШ Президенти Жо Байден томонидан тарқатилган ёзма баёнотда айтилади. 

Байден инфляцияга қарши кураш унинг "биринчи устувор вазифаси" эканлигига ишонтирмоқда.  

“Биринчи навбатда, мен [АҚЧда] бензин нархини пасайтириш учун қўлимдан келганини қилишда давом этаман. Мен стратегик захирамиздан тарихий нефть чиқаришни давом эттираман. Мен [Президент Владимир] Путиннинг нефть даромадини қисқартириш орқали Россия нефтининг нархини чеклаш учун европалик иттифоқчиларимиз билан ишлашда давом этаман. Ва мен масъулиятли тарзда ишлаб чиқаришни кўпайтириш учун АҚШ нефть ва газ саноати билан ишлашда давом этаман. Қўшма Штатлар кунига 12,1 миллион баррель нефть қазиб олади ва рекордларни янгилаш йўлида”, дейди Байден.

У АҚШда жорий инфляция даражаси “қабул қилиб бўлмайдиган даражада юқори” эканини тан олди. Шу билан бирга, Байден бу маълумотлар эскирганлигини ва ишларнинг ҳозирги ҳолатини, биринчи навбатда, мамлакатдаги бензин нархининг деярли 30 [охирги] кунлик арзонлашувининг тўлиқ таъсирини акс эттирмаслигини таъкидлади. 

Бундан ташқари, Президент Қўшма Штатлардаги инфляциянинг ўсишини энг долзарб иқтисодий муаммо деб таърифлади, яна бир бор мамлакатдаги нархларнинг ўсишини Россиянинг Украинадаги ҳарбий ҳаракатлари оқибатлари билан боғлади. Шунга ўхшаш муаммолар Европада кузатилаётганига ҳам эътибор қаратди. 

Байден қўшимча қилганидек, у нефть таннархининг пасайиши Қўшма Штатлардаги ёқилғи қуйиш шохобчаларида истеъмолчилар учун бензин нархининг пасайишига олиб келиши керак. 

"Нефт ва газ компаниялари бу дақиқадан ёқилғи қуйиш шохобчаларида нархларни пасайтирмасдан фойда олиш учун баҳона қилмасликлари керак", деб ҳисоблайди Оқ уй раҳбари. 

Байден АҚШ Конгрессини шу ойда оддий америкаликларнинг "кундалик харажатларини",  жумладан, рецепт бўйича бериладиган дори-дармонлар, коммунал хизматлар ва тиббий суғуртани камайтиришга ёрдам берадиган қонун қабул қилишга чақирди ва республикачи сиёсий рақибларини солиқларни оширишга қаратилган ҳар қандай уринишларга қарши туриш ниятидан огоҳлантирди.

АҚШда антирекордлар

Инфляцияга қарши янги рекорд ҳақидаги маълумот аввалроқ АҚШ Меҳнат вазирлиги томонидан тарқатилган эди. Қайд этилишича, июнь ойида АҚШда истеъмол нархлари йиллик ҳисобда 9,1 фоизга ўсган. Бу 1981 йил ноябрь ойидан бери энг катта ўсишдир. Аниқлик киритилишича, энергия нархлари индекси ўтган йил давомида 41,6 фоизга ошган. Бу 1980 йил апрель ойида тугаган даврдан бери бир йил ичида энг катта ўсишдир. 

Июнь ойи ўрталарида АҚШ Федерал захира тизими инфляцияга қарши курашиш мақсадида сўнгги ўн йилликларда биринчи марта базавий фоиз ставкасини бирданига 75 базавий пунктга, яъни 1,5-1,75% гача оширди.

Qalampir.uz Tahririyati
Мақолага баҳо беринг
Баҳолаганлар: 110
Рейтинг: 2.9
Теглар
t
×