“Барселона” мухлисларини огоҳлантирди

“Барселона” ўз мухлисларини Саудияда ўзини тутиш қоидалари ҳақида огоҳлантирди. Маълумки, Ар-Риёдда жамоа Испания Суперкубоги ярим финалида “Осасуна”га қарши ўйнайди.

“Оммавий тадбирда ўзаро ҳурмат ва эҳтиёткорлик тавсия этилади. Номақбул ишлар , шу жумладан ҳар қандай жинсий хатти-ҳаракатлар чет элликлар учун қонуний жазога олиб келиши мумкин. Номаълум жойларда, айниқса тунда кўчада юрманг! Автомобилларингизни қулфлашни унутманг. Агар бирон бир шубҳали ҳаракатни сезсангиз, полиция бўлимига мурожаат қилинг. Ҳар қандай митинг ёки намойишлардан қочинг. Саудия Арабистони ва Ғарб давлатлари фуқаролари, шу жумладан Испания, мамлакатда ва қўшни давлатларда фаолият юритаётган террористик гуруҳларнинг асосий нишони ҳисобланади”, дейилади “Барселона” баёнотида.

Ҳозирги вақтда “Осасуна” Испания чемпионати турнир жадвалида 22 очко билан 12-ўринда бормоқда, “Барселона” эса 41 очко тўплаб, 3-ўринни банд этган.

Маълумот учун. “Барселона” – “Осасуна” учрашуви 11 январь куни, Тошкент вақти билан соат 23:55 да бошланади.