“Барселона” афсоналари Қирғизистонга келади
Спорт
−
08 Август 2023 3809
Қирғизистон пойтахти Бишкек шаҳрида Испаниянинг “Барселона” ва Марказий Осиё футболи афсоналари ўртасида кўргазмали футбол ўйини ўтказилади. Бу ҳақда “KyrgyzFootball” нашри хабар берди.
Маълум қилинишича, баҳсда Каталония клубининг собиқ юлдузлари Роналдиньо, Ривалдо, Деку, Христо Стоичков, Эрик Абидаль, Патрик Клюйверт, Франк де Бур ва бошқа тўп усталари қатнашади.
“Барселона” ва Марказий Осиё футболи афсоналари ўртасидаги ўйин 30 август куни Бишкекдаги Долон Умурзоқов номидаги стадионда ўтказилади.
Таъкидлаш жоиз, сўнгги йилларда дунё футболи афсоналари ўртасида кўргазмали ўйинларни ташкил қилиш анъана тусига кирмоқда. Ўтган йили май ойида Ўзбекистонда ҳам А Серия афсоналари ва ўзбек футболи юлдузлари ўртасида учрашув бўлиб ўтганди. Пахтакор стадиони мезбонлик қилган ўйинда мезбонларнинг қўли баланд келган.
Live
БарчасиБухорода Ғиждувон деҳқон бозори ёнмоқда.
14 Декабрь
